Vawiin January 30, 2024 chawhnu dar 1:30 pm khan Director’s Conference Room, Directorate of Art & Culture-ah Kum 2023-2024 atan a RRRLF hnuaia Building grant dawng tur Govt Recognised NGO Library-te Meeting neih pui an ni.

State Library Committee meeting January 19, 2024 in a lo rel tawh angin RRRLF Matching Scheme hnuai a Increasing Accomodation (Building grant) dawng tur a thlan Govt Recognised NGO Library branch 17 nos te chu Building grant dil dan tur chungchang a hriattur pawimawh hrang hrang te inhrilhhriatna ‘Briefing’ neihpui an ni a, Pi Carol VLMS Dawngkimi, Director, Art & Culture Dept chuan meeting kaihruaiin thuhma a sawi a, grant an dawn ngei theih nan uluk tak leh fimkhur taka dilna thehlut turin Govt Recognised NGO Library aiawha kal te chah a, Pi Zirsangzuali, State Librarian-in Briefing a neihpui bawk a ni. Govt Recognised NGO Library (YMA Branch) aiawh tur YMA Branch tin atangin mi 2 zel rawn kal tura tih an ni a, meeting-a a kal zawng zawng te hi mi 33 an ni.