Ni 14.4.2021, Dar 12:00 PM khan Mizoram State Library Internet Center chu Art & Culture Department Director Pu R. Hminmgthanzuala'n a duh leh mamawhtu apiang ten an hman theih tur in a hawng. He Internet Center hi tangkai taka hman anih theih nan Developing Library Network (DELNET) hnuaiah Membership registration tih a ni a. DELNET hian International full text e-books, e-journals, e-manuscript, e-articles te subject hrang hrang ah nei in, heng e- resources te hi an website atangin Internet Center hmangtu te tan en leh download theih ani. Tin, DELNET hian Inter Library Loan (ILL) an kalpui bawk a, hmun hrang hrang a library awm te lehkhabu in hawh tawn theihna facility niin, tangkai taka hman chhoh tum ani.

Tin, Director hian Web OPAC a tlangzarh nghal bawk a. Mizoram State Library hi kum 2014 khan LIBSYS software  hmanga computerized zawh fel ani a, library a lehkhabu awm zawng zawng hi OPAC atanga zawn theih ni in, tun hma a library atang chauh a zawn theih ni thin kha, website kaltlang hian Web OPAC atangin khawi hmun atang pawhin a zawn theih a ni.

He programme hi Pi Carol VMLS Dawngkimi, Joint Director, Art & Culture in kaihhruaiin, Pi Zirsangzuali, State Librarian in Report tawi a pe bawk a ni.